Москвадагы кыргызстандыктар «Өлбөс полк» жүрүшүнө катышты. Бул тууралуу «24-kg.com» агенттигине Москва шаары жана Москва облусу боюнча кыргыз диаспорасынын өкүлү Улан Кошматов билдирди.
Анын айтымында, кечээ күнү Уулу Жеңишке карата өткөн акцияга 500дөй мекендешибиз топтолду.
«Биз расмий түрдө «Өлбөс полк- Кыргызстан» деп катталдык. Эки жылдан бери бул акцияга катышып жатабыз»- дейт Улан Кошматов.
«Өлбөс полк» акциясы Кыргызстандын 14 шаарында өттү. Бишкекте президент Сооронбай Жээнбеков согушта дайынсыз жоголгон чоң атасы Жээнбек Пирназаровдун сүрөтүн көтөрүп чыкты.
