Ош шаарында алты тилкелүү жаңы жол курулат

Ош шаарында алты тилкелүү жаңы жолдун курулушу пландалууда. Бул тууралуу шаардык мэриянын басма сөз кызматы билдирди.

Маалыматка ылайык, Б.Нурматов көчөсү менен Курманжан датка көчөсүн бириктире турган жаңы унаа жолу пландалууда. Долбоордун алкагында ирригациялык тармактарды, жашыл аймактарды, жөө жүргүнчүлөр өтүүчү жолдорду жана көчөлөрдү жарыктандыруу системаларын орнотуу каралган.

Анын узундугу 180 метрди түзөт, трасса тыгындардын деңгээлин азайтып, шаар тургундары үчүн ыңгайлуулукту жогорулатат жана шаардын транспорт инфраструктурасын өнүктүрүүнүн бир бөлүгү болуп калат.

Долбоордун эскизи Ош облустук шаар куруу жана архитектура башкармалыгы тарабынан даярдалган.