«Дүйнө сулуусу» сынагынын финалы Индиянын Хайдарабад шаарында өттү. Сулуулук ханышасынын таажысын Таиланддын 21 жаштагы өкүлү Опала Сучата Чуангсри жеңип алды. Ал 107 талапкерди артка калтырып, тарыхта биринчи болуп таймаштын жеңүүчүсү болуп калды. Бул тууралуу уюштуруу комитетинин сайтында айтылат.
Жеңүүчү таажыны «Дүйнө сулуусу-2024» сынагынан Чехиядан келген Кристина Пышкова кийгизди. Салтанат HITEX көргөзмө борборунда болуп, сулуулуктун, интеллекттин жана социалдык жоопкерчиликтин чыныгы майрамына айланды.
Опала Сучата Чуангсри 72 жылдан бери «Дүйнө сулуусу» сынагында жеңген алгачкы тай болуп калды. Ал 21 жашта, ыктыярчы болуп, үйүндө 16 мышык жана 5 ит багышат. Эл аралык мамилелер факультетинин студенти, модель ал психология жана антропологияга да кызыгат.
Эске салсак, бул сынакка өлкөбүздүн атынан «Мисс Кыргызстан-2025» Айжан Чаначаева катышкан.
