Бүгүн, 30-майда Бишкектин жолдорун оңдоп-түзөө алкагында Жаш Гвардия бульварынын Чүй проспектисинен Токтогул көчөсүнө чейин чыгыш тарабындагы бөлүгү унаа кыймылы үчүн жабылат. Бул тууралуу мэриянын басма сөз кызматы билдирди
Маалыматка ылайык, батыш тараптан убактылуу эки тараптуу кыймыл уюштурулган.
Калыбына келтирүү иштери мөөнөтүнөн мурда жүргүзүлүп жатат. Бишкек шаарынын мэриясы убактылуу ыңгайсыздыктарга түшүнүү менен мамиле кылууңуздарды өтүнөт жана тыгындарды болтурбоо үчүн каттамыңызды алдын ала пландаштырууну, ошондой эле жеке транспорттун ордуна коомдук транспортту колдонууну сунуштайт
